Twb txog sijhawm lauj!

Kuv sau li no vim tias muaj peb qhov uas muaj tshwm sim rau kuv.

Qhov thib ib:
Kuv rov sau ib zaj hauv kuv qhov ploj. Ntev no kuv tsis sau abtsi. Thov txim ntau. Kuv ua tub nkeeg thiaj tsis qhia kuv cov phooj ywg (nej sawvdaws) abtsi li txog kuv lub neej.

Qhov thib ob:
Kuv tsim ib qho Phau Ntsej Muag. Kuab Ci, Lace Face, thiab Ashley ntxias kuv tsim. Kuv muaj siab mos siab muag vim tias kuv yeej hais rau txhua leej txhia tus hais tias, "Phau Ntsej Muag ruam ua luaj li, tsis muaj nuj nqis dabtsi! Txhob siv! Sau tsab ntawv faib fab los yog hu xov tooj xwb!" Qhov tu siab mas, kuv tab tom tso kuv txhais ko taw hauv qhov ncauj noj. Tsis qab.

Qhov thib peb:
Nov yog qhov tseem ceeb tshaj plaws! Kuv tus hluas nkauj los tsev hnub Wednesday no xwb!! Twb txog sijhawm lauj!! Kuv caij nyuj hoom mus ntsib nws hnub tim nees nkaum yim. Kuv tos tsis tau!! Tej zaum nej paub lawm, wb mam sib yuav lub yim hli ntuj, hnub tim yim. Kuv zoo siab heev, thiab paub tias nws yog ib tug pojniam tshwj xeeb. Vajtswv pom zoo. Ntev no wb tsis tau sib pom, tiamsis hauv kuv lub siab kuv paub hais tias txoj kev sib yuav no yog txoj kev yog.

Zoo siab kawg!

Kuv ntxiv xi-ne-mas nawj!

Siab seb!! Yus saib tau mu-vis thaum yus nyeem txog kuv tej kev ua dog ua dig. Kuv nyiam tej mu-vis no heev.

Cia li saib. Cia li zoo siab.

Kuv zoo nkauj heev, puas yog?

Hnub no, kuv xaiv ib daim duab kom sawvdaws paub kuv yog leejtwg. Txhob ntshai. Kuv tsis tau ib puas nees nkaum xyoo lawm. Tab sis mas, kuv hlub cov pog Hmoob heev. Thiab hauv kuv lub siab, kuv yog Hmoob tiag. Kuv nco Nplog Teb, ib qhov chaw tshwj xeeb heev uas peb cov poj koob yawm txwv ua liaj ua teb, khws noj khws haus, thiab ua neej nyob. Thaum kuv pom tus pog no, nws ua rau kuv nyob kaj siab lug thiab nco ntsoov puag thaum uas peb nyob tid.

Hmoob Teb, tsis ntev peb mam rov qab mus tau koj dua.

Tau haujlwm tshiab lawm. Thiaj li kawm tej lo lus Hmoob tshiab

Nyob zoo, sawvdaws.

Ob peb hnub tas los no, kuv tau ib txoj haujlwm tshiab. Hnub no yog thawj hnub kuv ua. Kuv teb xov tooj thaum neeg muaj teeb meem nrog lawv lub tshuab pov hawm tsev thiab nws khiav tsis zoo. Txoj haujlwm no tsis hnyav, tsis ntev saum no kuv yuav keej pab, tiamsis hnub no kuv kawm pab xwb. Kuv muaj sijhawm ua dog ua dig, kuv txawm siv internet nrhiav ub nrhiav no khoom Hmoob nyeem. Kuv nrhiav tau tej lo lus tshiab uas kuv tsis tau paub lawm. Kuv sau, nej thiaj li yuav paub. Peb sib to taub, puas yog?

thwvcib - brick
tuas - session
lub rheb - bus
ncav sijhawm - to be punctual
sib nug xov - to keep in touch
qhaj tsis tau - can't afford to miss it
daim ntawv ncig tebchaws - passport
qiv - to borrow

Tas li ntawd xwb.

Thaum chiv keeb . . .

Qhov pib. Ib yam li qhov nploj no lub npe hais, kuv tsim qhov nploj no kom qhia txog kuv tej kev ua dog ua dig. Kuv tsis tshua muaj ntau hais. Yog koj tuaj tshawb nrhiav tej yam ua muaj nuj nqis, thov txim. Koj nrhiav tsis tau ntawm no. Tsis tas li ntawd xwb. Yog tias koj xav nyeem kuv tej kev ua dog dig koj yuav tsum txawj ntawv Hmoob. Yog tsis txawj, ces kuv hais rau koj tias, thov mus saib luag tej qhov nploj. Txhob xav li cas. Kawm ntawv Hmoob kom txawj tso, koj mam li rov qab tuaj nyeem thiaj to taub nawb.

Ua tsaug rau nej sawvdaws uas txawj ntawv Hmoob lawm. Rau siab kawm. Txhob poob lus Hmoob. Kuv mam sim ua tib yam. Qhov nploj no pab kuv ceev kuv tej kev txawj ntse.

Kev hlub.